مسااء الخير يخوات اخباركم ,
هذا اول موضوع اطرحه عليكم فيه افيد الجميع انشالله وتدعون لي باذن الله ,,,
مع اجواء الصيف الحاره نلاحظ ان الحمامات وانتم بكرامه تطلع منه روائح مقززه حتى لو نظفتيه ثلاث مرات في اليوم وبحكم اني ساكنه في الخرج وروائح مزارع الصافي للالبان تعطرنا باستمرار خصوصا في الصيف , اخترعت هذي الطريقه :
اولا , جيبي علبة مويه صحه صغيره فاضيه.
تانيا, خذي معلاق حديد اللي يجي مع الملابس من المغسله .
ثالثا,سخني راس المعلاق على النار وبدي خرمي العلبه بحيث تصبح لديك فتحات منتشره في العلبه .<لا تكثرينها مره تقريباثمان او تسع>
رابعا, عبي العلبه بجل العملاق اللي نستخدمه في تطهير الحمامات لونه اخضروتلقينه في كل المحلات انا اخذه من بنده .
خامسا, بعد قفل العلبه بالغطى جيدا ارميها في السيفون .
وبكذا كل ماسحبتي السيفون تطلع مع المويه الرغوه والريحه العطره.
انا لما استخدمتها صار رجالي مستغرب كل مادخل الحمام وبعده سالني قال انتي مغسله توك الحمام قلت لا على غسلته الصبح قال معقوله ريحة الصابون لين ذلحين , وبعدها قلت له , والله ماكذب عليكم يابنات صار كل مايروح البقاله يجيب العملاق , وبعد فتره راح جاب لي جل العجيب زي العملاق بس ريحته اقوى. جربوها وبتدعون لي.
ملاحظه: العلبه مفعوله يبقى لمدة خمسه ايام تقريبا واعبيها كل ماخلصت